УИХ-ын Тамгын газар, Швейцарийн хөгжлийн агентлаг, НҮБ-ын Хөгжлийн хөтөлбөр хамтран 2013-2016 онд хэрэгжүүлсэн "Нутгийн өөрөө удирдах байгууллагын чадавхыг бэхжүүлэх нь" төслийн дараагийн үе шат болох "Монгол Улс дахь Төлөөллийн байгууллагыг бэхжүүлэх нь" /2017-2020/ төслийн хүрээнд багийн ИНХ-ыг чадавхижуулах зорилгоор улсын хэмжээнд нэгдсэн үлгэрчилсэн багийн ИНХ-ны дэг боловсруулах ажил хийгдэж байна.
Уг ажлын хүрээнд аймгийн ИТХ-ын ажлын албаны мэргэжилтэн, сургагч багш Д.Энхцэцэг, Н.Энхжаргал нар аймгийн тэргүүний баг Ховд сумын Халиунбулаг багийн ИНХ-ын явц, үйл ажиллагаанд ажиглалт хийж, үнэлэлт дүгнэлт өгөхийн зэрэгцээ тус сумын багийн ИНХ-ын тэргүүлэгчдэд сургалт хийлээ.
