Увс аймаг байгуулагдсаны түүхт 100 жилийн ойг угтсан Увс нутгийн гаралтай, нутгаараа овоглодог Улаанбаатарт амьдарч буй төр, нийгмийн зүтгэлтэн, бүх салбарын хөдөлмөрийн баатрууд, алдартан гавьяатнууд, үе үеийн төгсөгчид, бизнес эрхлэгчид, аймаг, сумын нутгийн зөвлөлийнхөн зэрэг 1000 гаруй оролцогчидтой хүндэтгэлийн нэгдсэн арга хэмжээ боллоо.

Аймгийн Иргэдийн Төлөөлөгчдийн Хурлын даргын шагналаар Хүүхдийн оролцооны өөрөө удирдах байгууллага хамт олныг шагнан урамшуулдаг журмын дагуу "ХҮҮХДИЙН ШИЛДЭГ ӨӨРӨӨ УДИРДАХ БАЙГУУЛЛАГА"-аар: 🥇Увс аймгийн Улаангом сумын Ерөнхий боловсролын 2 дугаар сургуулийн “Сурагчдын өөрөө удирдах зөвлөл”-ийн хамт олон, ТЭРГҮҮН БАЙР 🥈Улаангом сумын Ерөнхий боловсролын 6 дугаар сургуулийн “Хүүхдийн зөвлөл”-ийн хамт олон, Дэд байр 🥉Увс аймгийн Улаангом сумын Ерөнхий боловсролын 4 дүгээр сургуулийн “Мөнхийн үйлс”-бүлгэмийн хамт олон, Гутгаар байр тус тус шалгаруулж, өргөмжлөл, мөнгөн шагналаар шагналаа.

🇲🇳АЙМГИЙН ИТХ-ЫН 9 ДЭХ УДААГИЙН СОНГУУЛИЙН АНХДУГААР ХУРАЛДААН ҮРГЭЛЖИЛЖ БАЙНА. Аймгийн ИТХ-ын Төлөөлөгчдийн бүрэн эрхийг зөвшөөрөх тухай асуудлыг хэлэлцэж, Анхдугаар хуралдаанд оролцогчдын 100 хувийн саналаар дэмжин баталж, аймгийн ИТХ-ын Төлөөлөгчөөр сонгогдсон 33 төлөөлөгч, төлөөлөгчийн үнэмлэх, энгэрийн тэмдгээ гардан авлаа.

Аймгийн ИТХ-ын даргад МАН-ын бүлгээс П.Баттулга, Ардчилсан намын бүлгээс Г.Отгонболд нарыг нэр дэвшүүлэн, Тооллогын комиссоос зохион байгуулсан санал хураалтын дүнгээр 18 төлөөлөгчийн санал буюу 54.54 хувийн саналаар аймгийн ИТХ-ын даргаар П.Баттулга сонгогдлоо.