Аймгийн Засаг даргын 2016-2020 оны үйл ажиллагааны хөтөлбөрийн зорилтод тусгагдсаны дагуу “Увс түншлэл-2018” үзэсгэлэн худалдаа болон “Чацарганы баяр” арга хэмжээг энэ сарын 12-оос 14-ны өдрүүдэд Гиваан баатрын талбайд зохион байгуулж байна. Тус арга хэмжээний нээлтийн үйл ажиллагаа өнөөдөр боллоо.
Үзэсгэлэн худалдаанд сүү, сүүн бүтээгдэхүүн, мах, махан бүтээгдэхүүн, гурил, гурилан бүтээгдэхүүн, төмс, хүнсний ногоо, үр тариа, хадлан тэжээл, жимс, жимсгэнэ, үр суулгац, барилгын материал, модон бүтээгдэхүүн, хувцас, гутал, зөөлөн эдлэл, бэлэг дурсгал зэрэг олон төрлийн бүтээгдэхүүнүүд дэлгэгдлээ. Аймгийн Засаг дарга Д.Батсайхан үзэсгэлэн худалдааны нээлтэнд оролцож үйлдвэрлэгчдийн бүтээгдэхүүнтэй танилцлаа.
Үзэсгэлэнгийн үеэр иргэдэд ургамал хамгаалал, чацарганы сорт, ач холбогдол зэргээр мэдээлэл өгөхөөс гадна сэтгэлд нийцсэн борлуулалт сайтай бүтээгдэхүүн, импорт орлох бүтээгдэхүүн, хамгийн идэвхтэй оролцсон сум, чацарганы шилдэг бүтээгдэхүүнийг шалгаруулж шагнаж урамшуулах тул иргэд, аж ахуй нэгж, тариаланчид та бүхэн идэвхтэй оролцохыг уриалж байна.
