Увс аймгийн Засаг дарга Д. Батсайхан БНСУ-ын Пусан хотноо суугаа Монгол улсын консул Б.Жаргалсайханы урилгаар 05.18-05.20-ны өдрүүдэд Пусан хотод ажлын айлчлал хийлээ. Айлчлалын хөтөлбөрийн дагуу Пусан хот дахь " Сайхан хүмүүс" олон нийтийн байгууллагын төлөөллүүдтэй уулзалт хийж Увс аймгийн эрүүл мэндийн салбарт хамтран ажиллах санал тавьсны дагуу аймгийн Нэгдсэн эмнэлэгт яаралтай тусламжийн иж бүрэн тоноглосон 6 машин, шаардлагатай байгаа эмнэлгийн орчин үеийн тоног төхөөрөмжүүдийг үе шаттайгаар нийлүүлэхээр шийдвэрлэлээ.

Пусан хотын "Сайхан хүмүүс" ТББ нь 1989 оны 5 сард анх байгуулагдсан бөгөөд 30 жилийн турш хөгжингүй орнуудад зориулан сайн дурын хандивын аяныг шаардлагатай салбарт зохион байгуулж байгаа 28 салбар нэгжүүдэд ажилладаг 3000 гаруй гишүүдтэй байгууллага юм. Энэ удаад тус байгууллагаас Увс аймагт 20 гаруй компьютерыг шийдвэрлэн олгохоор боллоо.