Хүүхэд бүрийг хамгаалах ажиллагааг хүртээмжтэй үр дүнтэй байлгах, сурагчдыг гэмт хэрэг, зөрчлөөс урьдчилан сэргийлэх, зам тээврийн осол, гэмт хэрэг зөрчилд өртөхөөс сэргийлэх зорилгоор өнөөдөр Увс аймгийн Цагдаагийн газраас боловсролын байгуулагуудтай 2019-2020 оны хичээлийн жилд хамтран ажиллах гэрээг байгууллаа.

Тус гэрээг хамгийн сүүлд 2012 онд буюу 7 жилийн өмнө байгуулж байжээ. Гэрээ байгуулсны ач холбогдол нь цагдаагийн байгууллага болон боловсролын байгууллагын хүлээх үүрэг, хийх ажил, цаг хугацаа нь тодорхой болж эрх зүйн акт болон хэлбэржиж байгаа юм. Мөн гэрээгээр дамжуулан сурагчдын эцэг эх, асран хамгаалагчдад хүрч ажиллах нөлөөлөх боломжтой юм.