Монгол Улсын Засгийн газар, Холбооны Бүгд Найрамдах Герман улсын Засгийн газар хоорондын гэрээгээр “Биологийн олон янз байдлын хамгаалал ба уур амьсгалын өөрчлөлтөд дасан зохицох нь” төслийн II ба III-р үе шат Монгол орны баруун болон баруун өмнөд говийн хэсэгт хэрэгжүүлэхээр болсон. Тус төслийг Засгийн газрыг төлөөлөн Байгаль орчин, аялал жуулчлалын яам хэрэгжүүлж байна.

Уг төслийн I шат нь Манай орны зүүн болон төвийн бүсэд хэрэгжиж, энэ онд дуусгавар болж байгаа юм.

Төслийн II болон III шат баруун бүсэд хэрэгжих бөгөөд улсын тусгай хамгаалалттай газар нутгийг түшиглэн тусгай хамгаалалттай газар, орчны бүсийн иргэдийн амьжиргааг дэмжихэд туслалцаа үзүүлэн хамтран ажиллах юм байна.