Манай аймагт 2013 онд Увс аймгийн Зүүнговь суманд анхны жүдо бөхийн дэвжээ байгуулагдсан. 2014 онд Увс аймгийн 18 суманд нийт 19 дэвжээ байгуулагдаад 2015 онд жүдо бөхийн өсвөрийн улсын аварга шалгаруулах тэмцээнийг аймагтаа зохион байгуулах эрх аваад өчигдөр нээлтээ хийж эхэлсэн өнөөдөр тэмцээн амжилттай үргэлжилж байна.
Увс аймгийн “Увс нуур” дэвжээний тэргүүн Дорлигжав, аймгийн Засаг дарга Д.Цэндсүрэн, сумуудын Засаг дарга нартай хамтран ажилласан ажлынхаа үр дүнг үзэхээр өсвөрийн жүдо бөхийн улсын аварга шалгаруулах тэмцээнийг Увс аймагтаа зохион байгуулж байгаа. Улсийн аварга шалгаруулах тэмцээнд эрэгтэй, эмэгтэй шигшээ багийг дасгалжуулсан. Шигшээ баг маань баруун бүсийн тэмцээнд маш сайн барилдаж амжилт гаргасан. Эрэгтэй баг онцгой сайн барилдсан. Эмэгтэй баг маань 2-р байранд орсон. Шинэ охидууд гэхэд чамлахааргүй амжилт үзүүлсэн. Улсын аваргад охидууд маань хоосонгүй байх байхаа,
Тэмцээний зохион байгуулалтын хувьд би 2007 оноос хойш улсын аварга шалгаруулах тэмцээнд тасралтгүй оролцож байна. Бусад аймгуудад улсын аварга шалгаруулах тэмцээнд оролцоход иймэрхүү байдалд тэмцээнийг зохион байгуулж ирж байгаа тамирчид, багш дасгалжлуулагч нарыг хооллож ундалж хүлээж авч байрлуулдаг ийм аймагтай хараахан учраагүй явж байна. Багш дасгалжуулагч, тамирчдын өмнө үнэхээр нүүр бардам байна.
Ирж байгаа тамирчдыг байрлуулаад нэгдсэн журмаар хоол хийж өгч байгаа нь хамгийн давуу тал болж байна. Тэмцээний зохион байгуулалт маш сайн болж байна.
Бөхийн өлгий нутгийг очиж үзэх юм сан, Увс аймгийн хүүхдүүд юугаараа илүү юм бол, юугаараа давуу юм бол амьдарч байгаа нутаг ус, ахуй амьдрал нь хэр юм бол гэж үзэж сонирхохоор маш олон тамирчид, багш нар ирсэн байна.
- Тамирчин хүүхдүүд нэгнээсээ хэр туршлага судлаж байна бэ.
Улсын аварга шалгаруулах тэмцээн гэдэг чинь тэр болгон хүн гарч барилдаад медаль хүртчихдэггүй амаргүй даваа, энэ тэмцээнээс асар олон хүүхдүүд харж байгаа, би ийм хэмжээнд явж байгаа юм байна гэж өөрсдийгөө харьцуулж үзэж байгаа тэр бол хамгийн том давуу тал мөн нутаг дэвсгэр дээрээ улсын аваргад оролцож үзнэ гэдэг давуу тал болж байна.
www.uvs.gov.mn