2004 оны 10-р сард явагдсан  аймаг, нийслэл, сум, дүүргийн  ИТХ-ын 4 дэх удаагийн  сонгуулиар  аймгийн ИТХ-ын төлөөлөгчөөр  30 төлөөлөгч  сонгогдсоноос МАХН-ын 20, Ардчилсан холбоо эвсэл 9, бие даагч 1 суудал авч, сонгогдсон төлөөлөгчдөөс инженер 9 ,  багш 7, ня-бо эдийн засагч 7, малын эмч, мал зүйч 5, хүний эмч 2, хос мэргэжилтэй 14,  төлөөлөгчдөөс 3 нь эмэгтэй,  аймгийн ИТХ-ын төлөөлөгчөөр  4 дэх удаагаа сонгогдсон Х.Лхамжав, Ё.Басан, Т.Болдбаатар нар, 3 дахь удаагаа сонгогдсон Ш.Жийдээ, 2 дахь удаагаа сонгогдсон 9 хүн / Г.Батсүх, Б.Жанцансамбуу,  Л.Бат-Очир, Б.Бат-Очир, Л.Батнасан,  З.Ганболд,  Т.Лхагвасүрэн , Ж.Александр, Ю.Баттулга/  байлаа . 

2004-10-20-нд болсон аймгийн ИТХ-ын 4 дэх удаагийн сонгуулийн анхдугаар хуралдаанаас  аймгийн ИТХ-ын Тэргүүлэгчдийн даргаар Д.Батсайханыг сонгож, аймгийн ИТХ-ын тэргүүлэгчдээр  Ё.Басан, Ш.Жийдээ, З.Ганболд, Д.Туяа, Г.Ууганбаяр, Ч.Даваадорж, Б.Цэцээ, Ч.Чимэд нар сонгогдож ажиллаж байгаад 2007 оны 1-р сард ЗЗНДН, түүний удирдлагын тухай хуулинд орсон өөрчлөлтийн дагуу  тэргүүлэгч Г.Ууганбаяр, З.Ганболд нар өөрчлөгдөж   Д.Төмөр-Өлзий, Ч.Ганболд нар аймгийн ИТХ-ын 6-р хуралдаанаар сонгогдов. 

Аймгийн ИТХ-ын Тэргүүлэгчдийн нарийн бичгийн даргаар Б.Оюунбат, ажлын албаны ажилтнаар Д.Энхцэцэг, Ц.Бямбаханд , Ц.Дэжидмаа  /2007 оны III сараас/,  З.Барсүрэн нар ажиллаж  байв. ОНӨ-ийн асуудал эрхэлсэн ажилтнаар Д.Батнасан /2006.YIIIсар хүртэл/, А.Чимэд–Очир /2006.Х-2007.III/, Э.Баатарсан /2007.III-Y сар/ ажиллаж байгаад санхүү, эдийн засгийн бодлого  зохицуулалтын хэлтэст  орон нутгийн өмч  хариуцан ажиллаж байлаа.