УИХ-аас 1996 онд “аймаг, нийслэл, сум, дүүргийн  Иргэдийн төлөөлөгчдийн Хурлын  сонгуулийн тухай” хуулийг батлан гаргаснаар орон нутгийн 2 дахь удаагийн сонгуулиар  засаг захиргааны нэгжүүдэд нэрээр болон сонгуульд оролцож буй  нам, эвслүүд квотоор нэр дэвшүүлж шууд төлөөллийн зарчмаар ИТХ-ын төлөөлөгчдийг сонгож мөн оны 10-р сард  аймгийн ИТХ-ыг 2 дахь удаагаа бүрдүүлсэн юм. 

Энэхүү сонгуульд  нийт сонгогчдын 73.8 % нь оролцож, аймгийн ИТХ 35 төлөөлөгчтэй, түүний 20 нь сумаас нэрээр, 15 нь сонгуульд оролцсон намуудын квотын дарааллаар сонгогдож МАХН -19, МҮАН-МСДН-ын “ Ардчилсан холбоо эвсэл” 15, бие даан нэр дэвшигч 1 суудал авсан. 

Төлөөлөгчдийн дотор эмэгтэй 1, МАХН-ын гишүүн 19,  МҮАН-ын гишүүн 9, МСДН-ын гишүүн 5, МНН-ын гишүүн 1, нам бус1, дээд боловсролтой 32, бүрэн дунд 1,  ня-бо 4, эдийн засагч 7, багш 10, инженер10, хүний эмч 2,  малын эмч, мал зүйч 3 байв.   

Аймгийн ИТХ-ын төлөөлөгчдөөс  Д.Намсрай, Ц.Шарав, Ц.Ядамсүрэн, А.Батчулуун нар шилжиж, Б.Батжаргал, С.Хурцаа нар таалал төгсөж, намын квотоор  Д.Доожав /МАХН/, С.Ганхуяг /МҮАН/, А.Батчулуун / МҮАН/, Т.Тэгшээ /МСДН/ нар төлөөлөгчөөр  нөхөн сонгогдож  МАХН 17, эвсэл 16 / үүнээс МҮАН -10/ суудалтайгаар бүрэн эрхийн хугацааг дуусгасан байна. 

Аймгийн ИТХ-ын Тэргүүлэгчдийн даргаар Ё.Басан,  тэргүүлэгчдээр  Б.Бат-Очир , Д.Нямжав,  Х.Лхамжав, Б.Ганболд, Д.Баатар, Ц.Оюундэлгэр, Б.Оюунбат,   Ч.Чимэд нар сонгогдож  тэргүүлэгчдийн нарийн бичгийн даргаар  Х.Батсүх, ажлын албаны  ажилтнаар Ц.Сайнжаргал, Б.Оюунбат нар  ажиллаж байлаа