100 буудалт даамын өсвөрийн улсын аварга шалгаруулах тэмцээн энэ сарын 30-нд Улаанбаатар хотноо болох билээ. Манай аймгаас өсвөрийн улсын аварга шалгаруулах тэмцээнд “Гарьд мастер” даамын клубийн 20 гаруй тамирчид оролцохоор бэлтгэлээ хангаад байгаатай аймгийн ИТХ-ын дарга Ч.Чимэд танилцаж, хүүхдүүдтэй ярилцан тэмцээнд нь амжилт хүслээ.

Ж.Цэгмэд багштай “Гарьд мастер” даамын клуб нь сүүлийн 4 жил дарааллан багаараа өсвөрийн даамын улсын аварга шалгаруулах тэмцээнд эхний 3-н байранд шалгарч байгаа ба сүүлийн 3 жил дарааллан бага насны ангиллын  бяцхан тамирчид нь 1-р байранд  байранд шалгарсан амжилттай оролцож иржээ.

Тус клубын тамирчид нь улсын аварга шалгаруулах тэмцээнд амжилттай оролцохоос гадна Азийн аварга шалгаруулах тэмцээнүүдэд амжилттай оролцон 1,2,3-р байранд тус тус орж байсан байна. Тухайлбал 5-7 насны ангилалд Г. Туул нь МУӨҮеийн аварга, Ази тивийн алт, мөнгө, хүрэл медальтай, Ц.Отгонцэцэг МУӨҮеийн аварга шалгаруулах тэмцээнээс алт, хүрэл хүртсэн зэрэг өндөр амжилт үзүүлж иржээ. Нийт тамирчдын 80-н улсын аварга шалгаруулах тэмцээнээс ямар нэгэн медаль авсан байна.

Увс аймгийн ИТХ-ын ажлын алба