Өнөөдөр аймгийн ИТХ-ын Төсөв, санхүү эдийн засгийн хөгжлийн хороо аймгийн Татварын хэлтсийн үйл ажиллагаа, дотоод ажлын явцтай танилцлаа.

Тус хэлтэс нь таван тасаг 48-н орон тоотойгоор үйл ажиллагаагаа явуулж байгаа бөгөөд 2016 онд 18141 татвар төлөгчдөөс 10 248,9 сая төгрөгийн татварын орлого төвлөрүүлж төлөвлөгөөг 101,6%-иар орлогын төлөвлөгөөг гурван төрөлд нь өссөн дүнгээр жигд ханган биелүүлж ажилласан байна.

Мөн 2016 онд НӨАТ-ын хуулийг хэрэгжүүлж эхэлсэнтэй холбоотойгоор НӨАТУС-ийг нэвтрүүлэхэд онцгой анхаарч нийтдээ 31 удаагийн танхимын сургалтыг 360 хуулийн этгээдэд, ганцаарчилсан болон ажлын байрны сургалтыг 9900 гаруй иргэнд хийж 792 удаагийн албан шаардлагыг 578 худалдаа, үйлчилгээний цэгүүдэд хүргэж ажиллажээ.