Архангай аймгийн ЗДТГ, аймгийн Прокурорын газар хооронд харилцан ойлголцлын санамж бичигт гарын үсэг зурлаа. Монгол улсын хэмжээнд анх удаа ийнхүү харилцан ойлголцлын санамж бичгийг боловсруулан зурж байгаа юм. Санамж бичигт талууд гарын үсэг зурснаар зөвхөн ЗДТГ биш аймгийн хэмжээнд үйл ажиллагаа явуулж байгаа төрийн байгууллага, төрийн болон орон нутгийн өмчит үйлдвэрийн газруудын нэхэмжлэлтэй хэрэг шүүхэд хянан шийдвэрлэх ажиллагаа түргэн шуурхай шийдвэрлэгдэх боломж нээгдэж байгаа юм.