Аймгийн ИТХ-ын Тэргүүлэгч, Стандарт стийл ХХК-ийн захирал М.Жаргалсайхан нь нийгмийн хариуцлагын хүрээнд өөрийн байгууллагын хөрөнгөөр үйлдвэрийн районы замыг нөхөж, засварлалаа.
Дарханчуудын хэлж заншсанаар үйлдвэрийн районы буюу толгой дамнасан зам нь АШУҮИС-ын уулзвараас үйлдвэрийн район хүртэл 1,6 км үргэлжилдэг бөгөөд удаан хугацааны туршид засварлагдаагүй өнөөг хүрчээ.
Стандарт стийл ХХК-ийн Минж бетон үйлдвэрийн хамт олон замыг нөхөж засварлах ажлыг гардан гүйцэтгэсэн ба нийт 2 сая гаруй төгрөгийн эд материалын зардал шаардагдсан байна.
“Дархан хоттойгоо ажил амьдралаараа холбогдсон иргэн бүр, ААНБ бүр хотынхоо хөгжилд өөрийн хувь нэмрийг оруулцгаая” хэмээн аймгийн ИТХ-ын Тэргүүлэгч, Стандарт стийл ХХК-ийн захирал М.Жаргалсайхан уриаллаа.
