Аймгийн засаг даргын санаачилгаар нийгмийн хамгааллын салбарт үйл ажиллагаа явуулдаг төрийн байгууллагуудын “Нээлттэй хаалганы өдөр”-ийг 2017 оны 05 дугаар сарын 10-17-ны өдрүүдэд зохион байгуулахаар болжээ. Өдрийн хүрээнд Хөдөлмөр, Халамж үйлчилгээний газар, Эрүүл мэнд, Нийгмийн даатгалын хэлтэс, Жижиг дунд үйлдвэрлэлийг дэмжих Дархан-Уул төв, Мэргэжлийн сургалт үйлдвэрлэлийн төвүүд хамрагдаж иргэдэд газар дээр нь төрийн үйлчилгээг шуурхай үзүүлэх ажээ. Нээлтийн арга хэмжээ Орхон суманд 05 дугаар сарын 11-ний өдөр болох юм байна.