Дарханы Улсын болон хувийн 46 цэцэрлэг нэгдэж "Хүүхдийн ертөнц-2017" бүтээл урлаг үзэсгэлэнгийн цогц арга хэмжээ /2017.05.28/ Дархан-50 цогцолборт болов. 
Иргэд номын өргөөнд орж ном эрдэмтэй танилцан хоолны өргөөгөөр орж хоол зууш амтлах, үлгэрийн өргөөгөөр орж үлгэр сонсох, эмчийн өргөөгөөр орж биеэ үзүүлэх, тоглоомын хотхонд хүүхдээ тоглуулах, хөдөлгөөн дасгалын өргөөд бүжиглэх, бүтээлийн өргөөнд худалдаа наймаа хийх зэрэг үйл ажиллагааг зохион байгууллаа. 
Уг арга хэмжээнд аймгийн ИТХ-ын дарга Г.Эрдэнэбат оролцож цэцэрлэг нэг бүрээр орж ажил үйлстэй нь танилцсан бөгөөд энэ үеэр цэцэрлэгүүд ирэх жилийн хөгжлийн төлөвлөгөөний мэдээллийг хүргэсэн юм.
Дархан-Уул аймгийн улсын болон хувийн хэвшлийн цэцэрлэгүүдийн нэгдсэн “Нээлттэй хаалганы өдөр” арга хэмжээг цаашид жил бүр "хаврын баяр” арга хэмжээний хүрээнд брэнд ажил болгохоор БСУГ-аас төлөвлөж байна. 
