Дархан-Уул аймгийн Хонгор сумын Салхит 3 дугаар багийн Замчин хороололд оршин суудаг иргэдээс ирсэн хүсэлтийн дагуу аймгийн Засаг даргын тамгын газар 20 гаруй сая төгрөгийн санхүүжилтийг олгож Улаанбаатар төмөр замын эрчим хүч, усан хангамжийн 1 дүгээр анги 1,5 км цахилгаан дамжуулах агаарын шугам угсралтын ажлыг өнөөдрөөс /2017.06.17/ эхлүүллээ. Тус хороололд 68-н айл өрх амьдардаг бөгөөд өмнө нь нэг дэд станцаас 220 В-ийн цахилгаан хэлхээгээр эрчим хүчийг авдаг байсан бол энэхүү шинэчлэлтийн ажлыг хийснээр хоёр дэд станцаас 380 В-ийн хүчдэлтэй цахилгаан сүлжээгээр тэжээгдэх боломжтой болж байна. Мөн энэ ажлын хүрээнд тус хороололд гэрэлтүүлгийн ажил давхар хийгдэх ажээ.