Өдөрлөгөөр 1933, 1944, 1956 онуудын хүн амын тооллогын лавлагаа, 1960-1990 оны хороонд ажиллаж байсан улсын 41 байгууллагын тушаал, бусад хадгалагдсан баримтуудаас лавлагааг үнэ төлбөргүй гаргаж өгөхөөс гадна архив, албан хэрэг хөтлөлттэй холбоотой арга зүйн зөвлөгөөг өгөх, ном гарын авлагын худалдаа зохион байгуулж, сонирхсон хүмүүсийн овог нэрийг монгол бичгээр уран бичих каллиграфийн үйлчилгээ үзүүлсэн байна.
Ажлын багийн ахлагч Архивын ерөнхий газрын Мэдээлэл технологийн хэлтсийн дарга Г.Батжаргал өнөөдрийн үйл ажиллагаагаар мэргэжил арга зүйн зөвлөгөө-6, хүн амын тооллого, тушаалын лавлагаа- 20 гаруй хүн, Каллиграфи бичлэгээр 70-аад хүн нийтдээ 100 орчим хүн үйлчилгээ авсан тухай мэдээллээ.
Ажлын баг Хуваарийн дагуу маргааш Хөвсгөл аймгийн Мөрөн хотод Нээлттэй хаалганы өдөрлөг хийгээд буцах юм байна.
