Хонгор сумын иргэдийн өмнө тулгамдсан асуудлын нэг нь шөнийн гудамжны гэрэлтүүлэг байжээ. Тус асуудлыг шийдвэрлэх үүднээс өнөө жил Хонгор сумын Орон нутгийн хөгжлийн сангийн 21,3 сая төгрөгөөр үрийн нөөцийн 33, эмнэлгийн 10, төв замын 7 гээд нийт 50 ширхэг лед гэрлийн толгойг солих ажил 2017 оны 06 дугаар сарын 29-ны өдрөөс эхэлжээ. Энэхүү ажлын гүйцэтгэгчээр “Цогт Хас” ХХК ажиллаж байгаа бөгөөд 7 дугаар сарын 22-ноос өмнө ажлаа дуусгахаар төлөвлөсөн байна.