“Дархан Дулааны Сүлжээ” ТӨХК өвөлжилтийн бэлтгэл ажлын хүрээнд зохион байгуулалтын 22, техникийн 36 нийт 58 ажил төлөвлөснөөс өнөөдрийн байдлаар бүрэн хэрэгжсэн 32, хэрэгжих шатандаа 24, хугацаа болоогүй 2 ажил гээд нийтдээ төлөвлөгөөний гүйцэтгэл 85 хувьтай байна. Засвар шинэчлэлтийн ажлын хүрээнд 2005 оноос эхлэн ашиглалтын хэвийн горим алдагдсан шугам хоолойг улсын төсвийн хөрөнгө оруулалтаар сольж байгаа юм байна. Зарим ажлууд төсөв мөнгөнөөс шалтгаалан эхлэх цагаасаа хожуу эхэлсэн гэдгийг албаныхан мэдээлэв. Гэхдээ энэ сарын 15-наас эхлэн халаалтыг хэсэгчилсэн байдлаар өгөх ажээ. Хөхөө өвлийн хүйтнээс урьтан ашиглалтын горим алдагдсан шугам хоолойнуудыг сольж иргэдээ аятай тухтай дулаан өвөлжүүлэх үүднээс шугам хоолойн засварыг мэргэжилтнүүд үүрийн гэгээнээс үдшийн бүрэнхий болтол хийж байгааг албаныхан онцоллоо.