Ажлын өдрүүдээр төрийн үйлчилгээг авч амждаггүй иргэдэд түргэн шуурхай, чирэгдэлгүй үйлчилгээ үзүүлэх, иргэдийн санал хүсэлтийг төрийн бодлогод тусган хэрэгжүүлэх зорилготойгоор явагдаж буй нээлттэй хаалганы өдрийн хүрээнд Хөдөлмөр халамж үйлчилгээ газраас дараах үйлчилгээ иргэдэд үзүүлжээ. Хөдөлмөр эрхлэлтийн болон нийгмийн халамжийн тусламж үйлчилгээ шаардлагатай иргэдийг мэдээ мэдээллээр хангах, Ажил хайгч иргэнийг бүртгэх, Ажлын байрны захиалгыг иргэдэд хүргэх мэдээллээр хангах, Ажилд зуучлах үйлчилгээ үзүүлэх, Хөдөлмөр эрхлэлтийг дэмжих төсөл хөтөлбөрүүдийн талаарх мэдээллийг өгөх, Хөдөлмөр эрхлэлтийг дэмжих төсөл хөтөлбөрт хамрагдсан иргэдэд борлуулалтын дэмжлэг үзүүлсэн юм. Хөдөлмөр халамж үйлчилгээ газартай хамтран ажилладаг “Шүтэн Уул” ХХК амьжиргааны төвшин доогуур орлоготой 2 хүүхдэд дүрэмт хувцас, эцэг эхчүүдэд тусламжийн хувцас хандивласан бол “Тунгалаг аялгуу” ХХК тус бүр 150.000 төгрөгийн өртөгтэй хөгжлийн бэрхшээлтэй хүүхдүүдийн асаргаанд хэрэглэдэг тэргийг 3-н хүүхдэд хандивласан байна.
Увс аймгийн иргэдийн Төлөөлөгчдийн Хурал
Увс аймгийн иргэдийн Төлөөлөгчдийн Хурал
Увс аймгийн ИТХ-ын албан ёсны цахим хуудас Увс аймгийн ИТХ-ын албан ёсны цахим хуудасХӨДӨЛМӨР, ХАЛАМЖИЙН ҮЙЛЧИЛГЭЭ ГАЗАР 6-Н ЧИГЛЭЛЭЭР ИРГЭДЭД ҮЙЛЧИЛГЭЭ ҮЗҮҮЛЭВ
2017-09-25
