Дархан-Улаанбаатар чиглэлийн авто замын насжилтын хугацаа дууссан бөгөөд эвдрэл гэмтэл ихээр үүсэж иргэд зорчигчдыг бухимдуулах болсон. Уг замын засвар арчлалтыг хариуцдаг “Дархан АЗЗА” ТӨХК нь Дархан Улаанбаатар чиглэлийн авто замын эвдрэлийг цаг тухай бүрд нь засварлаж ирсэн бөгөөд 2017 оны 09 дүгээр сарын 21-ны өдрөөс эхлэн 187км-188км-т ээлжит засварын ажлыг эхлүүлжээ. Засварын ажлын явцтай аймгийн Засаг даргын орлогч А.Түвшинбат танилцаж 09 дүгээр сарын 27 гэхэд Дархан-Улаанбаатар чиглэлийн авто замын 187км-188км-т ээлжит засварын ажлыг дуусгах үүргийг өглөө. Иймд иргэд, зорчигчид авто замын нөхцөлд тааруулан тээврийн хэрэгслийн хурдаа тохируулж хөдөлгөөнд оролцохыг анхааруулж байна.