Тэмцээнийг дүүргийн , Гэмт хэргээс урьдчилан сэргийлэх ажлыг зохицуулах салбар зөвлөл, Засаг даргын Тамгын газар, Замын Цагдаагийн хэлтэс, Боловсролын хэлтэс, Улаан загалмайн хороотой хамтран зохион байгуулав.
Тус тэмцээн нь Улсын хэмжээнд 35 дахь удаагаа зохион байгуулагдаж байгаа бөгөөд Чингэлтэй дүүргийн ерөнхий боловсролын 15 сургуулийн 3-5 дугаар ангийн 180 сурагч гэрийн даалгавар, мэндчилгээ, хамтдаа, буухиа тэмцээн, урлагийн тоглолт гэсэн 5 төрлөөр өрсөлдөж оюун ухаан авьяас чадвараа дайчлан оролцлоо.
Тэмцээний шүүгчээр дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга Б.Отгонгэрэл, Замын Цагдаагийн хэлтсийн Урьдчилан сэргийлэх ажил хариуцсан зохицуулагч, ахлах дэслэгч Ч.Чимэдбат, дүүргийн Улаан загалмайн хорооны арга зүйч Б.Бямбасүрэн нар ажиллалаа.
Тэргүүн байранд П.Батболд захиралтай 117 дугаар сургууль, 2 дугаар байранд Ж.Баярмаа захиралтай 49 дүгээр сургууль, 3 дугаар байранд Ц.Өлзийжаргал захиралтай 72 дугаар сургууль , Тусгай байранд Б.Чимгээ захиралтай 17 дугаар сургуулийн баг хамт олон шалгарсан юм.
Шагналыг Чингэлтэй дүүргийн ГХУСАЗСЗ-ийн нарийн бичгийн дарга Б.Отгонгэрэл дүүргийн замын цагдаагийн хэлтсийн дарга, зөвлөлийн гишүүн Б.Сүхбат, дүүргийн Замын цагдаагийн хэлтсийн Урьдчилсан сэргийлэх ажил хариуцсан зохицуулагч, ахлах дэслэгч Ч.Чимэдбат, Улаан загалмайн арга зүйч Б.Бямбасүрэн, нар гардуулж баг хамт олонд баяр хүргэж цаашдын ажилд нь амжилт хүслээ.
Тэргүүн байр эзэлсэн баг Нийслэлийн “Ногоон гэрэл-Цагаан шугам” тэмцээнд дүүргээ төлөөлөн оролцох юм.
