Энэ удаагийн "Орон нутгийн шилдэг удирдагч" –аар Сум, дүүргийн түвшинд Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Дархан уул аймгийн Дархан сумын ИТХ-ын дарга Ж.Балжинням, Хэнтий аймгийн Баян-овоо сумын Засаг дарга Д.Баянмөнх нар шалгарсан байна.
Шагналыг Монголын нутгийн удирдлагын холбооны Тэргүүн, Нийслэлийн Засаг дарга бөгөөд Улаанбаатар хотын захирагч С.Батболд, МНУХ-ны дэд Тэргүүн Г.Маналжав нар гардуулж орон нутгаа хөгжүүлэх, хүн арддаа үйлчлэх үйлчилгээг өргөтгөн сайжруулах, эдийн засаг, нийгмийн зорилтыг хангаж биелүүлэх үйлсэд олон жил идэвх санаачлагатай, үр бүтээлтэй ажиллаж байгаа удирдагчдад баяр хүргэж цаашдын ажилд нь амжилт амьдралд нь сайн сайхан бүхнийг хүсэн ерөөлөө.
Тав дахь удаагаа зохион байгуулж буй энэхүү арга хэмжээ нь Монгол Улсад нутгийн удирдлагын тогтолцоо үүсч хөгжсөний 25 жилийн ойтой давжцаж байгаагаараа онцлог юм.
.JPG)
