Эрүүл мэндийн яамнаас “Эрүүл мэнд ба Сэтгүүлчийн оролцоо” сэдэвт сургалтыг /2017.11.24/ Эрүүл мэндийн 2 дугаар төвд зохион явууллаа. Эрүүл мэндийн боловсрол олгох үйл хэрэгт төрийн болон төрийн бус байгууллага, аж ахуйн нэгж, компани, бүх шатны боловсролын байгууллага, хэвлэл мэдээллийн байгууллагуудын оролцоо, үүрэг, хариуцлага чухал учраас орон нутгийн сэтгүүлчид болон аж ахуй нэгж байгууллагуудын хэвлэл мэдээллийн ажилтнуудыг хамруулсан байна. Ингэснээр хэвлэл мэдээллээр дамжуулан иргэдэд эрүүл мэндийн эерэг зөв дадал хэвшлийг төлөвшүүлэхэд гол зорилго нь оршжээ.