Архангай аймгийн удирдлагууд Жэрэс олон улсын байгууллагатай уур амьсгалын өөрчлөлттэй хэрхэн тэмцэх, малчид иргэдийг чадвахижуулан мэдлэгжүүлэх сургалтын чиглэлээр хамтран ажиллах санамж бичигт гарын үсэг зурлаа. Аймгийн Засаг дарга Ц.Мөнхнасан: “Манай аймаг малын тоогоороо улсдаа тэргүүлэгч аймгийн тоонд ордог. Малын тоо жил ирэх тутам нэмэгдсээр байна. Малчид тодорхой хэмжээгээр мэдээллээс хоцордог, байгаль цаг уурын хувьд өвөл зуны харьцаа өөрчлөгдөж, ургадаг ургамлын тоо цөөрсөн зэрэг байгаль экологийн өөрчилтүүд ихээхэн явагдаж байна. Энэ бүхэнтэй тэмцэх чадамжийг ард иргэддээ бий болгох зорилгоор энэхүү сургалтыг та бүхэнтэй хамтран эхлүүлж байгаадаа баяртай байна" хэмээн хэллээ. Мөн Жэрэс ОУБ-аас гэр бүлийн хүчирхийлэлтэй тэмцэх төвийн байрыг барьж өгөхөөр болсон байна.