ХИС-ийн Захирал В.Сайнбаяр тэргүүтэй төлөөлөгчид БНХАУ-д хийсэн айлчлалаар ХИС, БНХАУ-ын Баруун хойтын үндэстний их сургуультай сургалт, эрдэм шинжилгээ, хүний нөөцийг чадавхжуулах чиглэлээр олон талт хамтын ажиллагаа хэрэгжүүлэх боломж нээгдлээ.
Баруун хойтын үндэстний их сургууль /БХҮИС/ нь 1950 оны 08 сард байгуулагдсан 28 бүрэлдэхүүний сургууль, 6 судалгааны хүрээлэнтэй, 1922 багш, ажилтантай, 56 үндэстний 26293 оюутан суралцдаг БНХАУ-ын төрийн өмчийн их сургуулийн нэг юм.
Төлөөлөгчид тус сургуулийн Захирал Жао Дө Ань тэргүүтэй холбогдох удирдлагуудтай уулзалт хийж, багш, оюутан солилцох, туршлага судлах, төсөл хөтөлбөр хэрэгжүүлэх, ХИС-д магистр, докторын түвшинд оюутан элсүүлэн суралцуулах, зуны сургалт хамтран зохион байгуулах, Монгол хэл, соёлыг түгээн дэлгэрүүлэх зорилгоор багш БХҮИС-д томилон ажиллуулах зэрэг олон талаар санал солилцон, ирэх оноос бодит хамтын ажиллагааг эхлүүлэхээр тохиролцлоо.
