Жил бүр Дарханчууд шинэ оноо Найрамдал талбайдаа тэмдэглэдэг уламжлалтай. Өнөө жил тус талбайд Мөсөн хотхон сүндэрлүүлэхээр ажлын хэсэг ажилдаа оржээ. Өнгөрсөн жил тус хотхонд өвлийн өвгөн, цасан охин, ойн ан амьтад, мөсөн гулгуур, 12 жилийн мөсөн баримал болон дэлхийд алдартай өндөр барилга, байгууламжийг багтаасан бол өнөө жил мөсөн коток, үлгэрийн баатрууд, хүүхэлдэйн киноны дүрүүдээр сэдэвчлэн мөсөн хотхон сүндэрлэх ажээ. Уг мөсөн хотхоны тохижилтын ажлыг ажлын хэсгээс гадна эрчим хүчний 5-н байгууллага хамтран хийж энэ сарын 18-н гэхэд бэлэн болгохоор ажиллаж байна.