Чингэлтэй дүүргийн Иргэдийн Төлөөлөгчдийн Хурал нь Бүгд Найрамдах Солонгос Улсын Сөүл хотын Сонгбуг дүүргийн Иргэдийн Төлөөлөгчдийн Хуралтай 2006 оноос найрамдалт харилцаа хамтын ажиллагаа тогтоон харилцаж байгаа билээ.
Өнөөдөр буюу арванхоёрдугаар сарын 19-ны өдөр Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ Сонгбуг дүүргийн Иргэдийн Төлөөлөгчдийн Хурлын Төлөөлөгчидтэй албан ёсны уулзалт хийлээ.
Уулзалтын эхэнд Хурлын дарга Д.Бат-Эрдэнэ Төлөөлөгчдөд Монгол улсад хүрэлцэн ирсэнд талархал илэрхийлээд Чингэлтэй дүүрэгт тавтай зочлохыг ерөөв.
Сонгбуг дүүргийн Төлөөлөгчид Чингэлтэй дүүрэгт албан ёсоор айлчлахыг урьж элэгсэг дотноор хүлээн авч буйд нь Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэд талархаж байгаагаа илэрхийллээ.
Уулзалтын үеэр хоёр талын хамтын ажиллагаа, цаашдын чиг хандлагын талаар харилцан санал солилцлоо.
Зочид Төлөөлөгчид хөтөлбөрийн дагуу өнөөдөр Чингэлтэй дүүргийн нэг цонхны үйлчилгээний төв, Эрүүл мэндийн төв, Хүүхдийн номын өргөө, 5 дугаар цэцэрлэгийн үйл ажиллагаа, Цагдаагийн 2-р хэлтэсийн камержуулалтын системтэй тус тус танилцах юм.
