“Дарханы сайхан бүсгүйчүүд” группийн админууд “1 хүн 1000 төгрөг” аяныг санаачлан зохион байгуулж аймгийн Нэгдсэн эмнэлгийн хүүхдийн тасгийн 2 өрөөг тохижуулсан байна. Нэгдсэн эмнэлгийн Хүүхдийн тасаг нь 54 ортойгоос 18 ор нь жижигхэн ортой. Ээж нар хүүхэдтэйгээ тус оронд багтахад хэцүү байсан гэв. Группийн гишүүд эхний ээлжид дөрвөн орны мөнгө буюу 510.0 мянган төгрөгийг цуглуулж чаджээ. Хүүхдийн тасгийн ор , зөөлөн эдлэлийн хамт хүүхдийн тасгийн хамт олонд гардуулан өгч 2 өрөөний шалны хулдаасыг сольсон байна.