Цаг агаарын хүнд нөхцөлд өвөлжиж, хаваржиж байгаа, эмзэг бүлгийн 300 малчин өрхөд Монголын Улаан загалмайн нийгэмлэг /МУЗН/ болон Дэлхийн мал, амьтныг хамгаалах байгууллагаас эрдэс, тэжээлийн тусламж үзүүлж байна.

50-200 хүртэлх толгой малтай, 2017-2018 онд бэлэн мөнгө, өвс тэжээлийн тусламжинд хамрагдаагүй, мөн 16 хүртлэх насны гурваас дээш хүүхэдтэй өрх толгойлсон эцэг эсвэл эх, 16-аас доош насны таваас дээш хүүхэдтэй гэр бүл энэхүү тусламжинд хамрагдах бөгөөд Хужирт, Баян-Өндөр, Бүрд, Зүүнбаян-Улаан, Уянга, Есөнзүйл сумын анхан шатны Улаан загалмайн хорооноос дээрх айл өрхүүдийг сонгожээ.

Тухайлбал, Хужиртаас 29, Баян-Өндөр сумаас 61, Есөнзүйлээс 60, Бүрд, Зүүнбаян-Улаан, Уянга сумаас тус бүр 50 өрхөд малын эрдэст тэжээл, сүү орлуулагч зэрэг хаврын сульдсан малд нэн хэрэгцээт бүтээгдэхүүнийг олгоод байна.

Б.Батчимэг