Монголын тулгар төр байгуулагдсаны 2227, Их Монгол Улс байгуулагдсаны 812 жилийн ой, Ардын хувьсгалын 97 жилийн ойн үндэсний их баяр наадам өнөөдөр /2018.07.09/ Миний Монгол цэцэрлэгт хүрээлэнд Үндэсний сурын харвааны нээлтээр эхэллээ. Монгол улсын их билэгдэл болсон эрийн гурван наадмын нэгэн Уухай болсон сурын харваанд өнөө жил 6-75 насны 56-н харваач цэц мэргэнээ сорьж байна. Үүний дотор Монгол Улсын Урианхай сурын хошой мэргэн нэг, Монгол улсын гоц харваач нэг, Монгол улсын даншгийн харваач нэг, Спортын мастер 7, спортын дэд мастер 2, аймгийн мэргэн харваач 11 оролцож байна. Энэ жилийн сурын харваа Үндэсний буюу халх сурын харваагаар том хүн 40-н сум, хүүхэд 40 сум тавьж байгаа ажээ.