Сум, сумын иргэдэд тулгамдаж буй асуудлыг шийдвэрлэхэд Багийн иргэдийн нийтийн хурал гол үүрэг гүйцэтгэдэг. Тэгвэл Заамар сумын Хайлааст багийн иргэдийн нийтийн хурал зохион байгуулагдаж, 215 иргэн оролцсон бөгөөд 3 асуудал хэлэлцжээ. Хэлэлцэх асуудлын дарааллаар “Эко Алтан Заамар” ХХК-ний уул уурхайн аж ахуйн нэгжийн “Баянгол”, “Ууцар”, “Их Тохойролдох” лицензийн талаарх байгаль орчны нарийвчилсан үнэлгээнд иргэдээс санал авч, 99.5 хувийн саналаар татгалзсан бөгөөд уг хурлаас 3 тогтоол гарсан байна. 
Хурлын үеэр сумын ИТХ-ын дарга, Засаг дарга болон багийн Засаг дарга, Засаг даргын Тамгын газрын мэргэжилтнүүд цаг үеийн байдлаар товч мэдээлэл хийж, иргэдээс ирүүлсэн санал хүсэлтийг хүлээн авч, сонирхсон асуултад хариулт өгчээ.