Өнөөдөр Улс төрийн хэлмэгдэгсдийн дурсгалыг хүндэтгэх өдөр. Улс төрийн хилс хэрэгт хэлмэгдэгсдийн дурсгалыг хүндэтгэх өдрөөр Цагаатгах ажлыг удирдан зохион байгуулах дүүргийн салбар комиссоос улс төрийн хилс хэрэгт хэлмэгдээд цагаатгагдсан 120 иргэнд хүндэтгэл үзүүлэхээр шийдвэрлэсэн.

 Энэ шийдвэрийнхээ хүрээнд Иргэдийн Төлөөлөгчдийн Хурлын дарга бөгөөд Цагаатгах ажлыг удирдан зохион байгуулах дүүргийн салбар комиссын дарга Б.Ган-Эрдэнэ улс төрийн хилс хэрэгт хэлмэгдэгсдийн төлөөллийг дүүргийн 3 дугаар хорооны Иргэний танхимд хүлээн авч хүндэтгэл үзүүллээ. Мөн Иргэдийн Төлөөлөгчдийн Хурлын төлөөлөгчид, Засаг даргын Тамгын газрын хэлтсийн дарга нартай хуваарийн дагуу хорооны Засаг даргын ажлын алба, иргэний танхимуудад хэлмэгдэгсдийн гэр бүл, үр хүүхдүүдийг хүлээн авч хүндэтгэл үзүүллээ.

Энэ өдрийг 19 дахь жилдээ тэмдэглэж байгаа бөгөөд өнөөдөр хэлмэгдэгчдийн дурсгалыг хүндэтгэж Монгол Улсын төр, засгийн тэргүүн нар, СБД-ийн ИТХ-ын Тэргүүүлэгчдийн нарийн бичгийн дарга бөгөөд Цагаатгах ажлыг удирдан зохион байгуулах дүүргийн салбар комиссын нарийн бичгийн дарга Д.Боргио, ЦАУЗБСК-ын гишүүн Б.Лхагвасүрэн, Ажлын албаны Зохион байгуулалтын хэлтсийн дарга Ц.Осорваань болон бусад төр захиргаа, олон нийтийн байгууллагууд, хэлмэгдэгсэд тэдний төрөл төрөгсөд Хэлмэгдэгсдийн төв хөшөөнд цэцэг өргөж хүндэтгэл үзүүлэх арга хэмжээнд оролцлоо.