Тосгоны айл өрхийг цэвэр усаар хангах “төв магистрал” шугамд гэмтэл гарч, ус алджээ.Цэвэр усны шугам, хоолойг 2012 онд шинэчлэн засварласан байна.Шинээр ашиглалтад оруулсан шугам хоолойд гэмтэл гарч Дархан сумын 1 дүгээр багийн Чулуутын хэсэг айл өрхийг усанд автуулав. Усанд автаж гэртээ орох боломжгүй болсон 5 өрх айл бий. Иргэдийн хэлж буйгаар шөнийн 3 цагийн үед ус хоржигнох чимээ сонсогдсон ба үүрийн 6 цагт айлын гэрт нэвтэрч эхэлсэн гэв. Онцгой байдлын алба хаагчид иргэдийг уснаас гаргаж, айл өрхийн эд хогшилыг зөөх ажиллагааг явуулжээ.Үүссэн нөхцөл байдалтай Дархан сумын ИТХ-ын дарга Т.Тулгаа, Засаг даргын орлогч Г.Батбаяр , Дархан ус суваг ХК-ийн захирал н.Эрдэнэбаяр нар газар дээр нь очиж танилцав. Дархан ус суваг ХК-ийн захирал хохирлыг бүрэн хариуцаж ажиллахаа мэдэгдэв.Түүнчлэн ашиглалтад оруулаад удаагүй байгаа төв магистрал шугамын гэмтлийг тодорхойлж холбогдох албан тушаалтнуудад хариуцлага тооцно гэдгийг хэллээ.Ус суваг ХК-иас эхний ээлжинд усыг соруулах арга хэмжээ авч гэр орон нь усанд автсан айл өрхийн иргэдийг дулаан байраар хангах ажлыг зохион байгуулахаар болжээ.
