Ширээ нурууны иргэд /2019.03.07/ аймгийн Засаг дарга С.Насанбаттай уулзалт хийж өөрсдийн өмнө тулгамдаж байгаа асуудлаа хэрхэн шийдвэрлэх талаар хамтдаа ярилцлаа. Ерөнхийдөө Дархан сумын 2 дугаар баг буюу Ширээ нуруунд 500 гаруй өрхийн 1600 гаруй иргэд оршин суудаг. Иргэдийн тухайд газар нутгийн хилийн цэс хүндрэлтэй асуудал болоод байгааг танилцуулан Газар нутгийн хилийн цэсийг шинээр тогтоох ажлын хэсэг байгуулах, Сэлэнгэ аймгийн Иргэдийн хурал, Засаг даргатай уулзах, ажлын хэсгийн материалыг Их хурал, Засгийн газарт өргөн мэдүүлэх гэсэн гурван хүсэлт байгаагаа илэрхийллээ. Энэхүү хүсэлтүүдийг аймгийн Засаг дарга хүлээн авч эхний ээлжид аймгийн Засаг даргын орлогчоор ахлуулсан ажлын хэсэг байгуулж холбогдох хууль тогтоомжийн дагуу арга хэмжээг авч хэрэгжүүлэхээр болсон юм.
Увс аймгийн иргэдийн Төлөөлөгчдийн Хурал
Увс аймгийн иргэдийн Төлөөлөгчдийн Хурал
Увс аймгийн ИТХ-ын албан ёсны цахим хуудас Увс аймгийн ИТХ-ын албан ёсны цахим хуудасДархан сумын 2 дугаар багийн иргэдтэй уулзав
2019-03-11
