Чөлөөт бөхийн бэлтгэлийн заалыг нийт 4,2 сая төгрөгийн хөрөнгөөр засварласан байна. Нийт санхүүжилтийн 2,7 сая төгрөг нь аймгийн "Авьяас" хөтөлбөр, 1,5 сая төгрөгийг Аймгийн ИТХ-ын тэргүүлэгч, Дархан сумын Засаг дарга, Дархан-Уул аймгийн Чөлөөт бөхийн холбооны тэргүүн Б.Азжаргал шийдвэрлэж өгсөн байна.
Бэлтгэлийн зааланд агааржуулалтын сэнс 2 ш, хувцасны солих өрөөнд агааржуулалтын сэнс 1ш мөн бэлтгэлийн зааланд 1,5м өндөртэй хамгаалалтын хана зэргийг шинээр хийж өгсөнөөр тамирчдад тав тухтай, аюулгүй орчинд бэлтгэлээ хийж, амжилт гаргах нөхцөлийг хангажээ.