Дархан сумын 3 дугаар багт байрладаг 13 дугаар цэцэрлэгийн өргөтгөлийн барилгын ажил 6 дугаар сарын 28-наас эхэлсэн байна. Тус ажлыг “Хатгин Болор”ХХК гүйцэтгэж байгаа бөгөөд ирэх 11 дүгээр сард ашиглалтад оруулах ажээ. Энэхүү цэцэрлэгт 450 орчим хүүхэд сургуулийн өмнөх боловсрол эзэмшдэг бөгөөд цэцэрлэгийн өргөтгөлийн барилга ашиглалтад орсноор 100 гаруй хүүхэд шинээр сургуулийн өмнөх боловсрол эзэмших юм.