“Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль”-д 2020 онд оруулсан шинэчилсэн найруулгын хүрээнд Чингэлтэй дүүргийн Иргэдийн Төлөөлөгчдийн Хурлын Ажлын албанаас Удирдлагын Академийн Сургалтын албаны дарга, доктор, дэд профессор Я.Бямбаяртай хамтран дүүргийн 1-19 дүгээр хороодын ИНХ-ын дарга, Тэргүүлэгчдэд тус хуулийн мэдлэгийг бататгах, хуулийн хүрээнд орсон өөрчлөлтийн талаар олон нийтэд таниулах зорилгоор цахим сургалт зохион байгууллаа.

            Уг хууль анх 1992 оны 8 дугаар сард батлагдсан бөгөөд 2006, 2020 онуудад хоёр удаа шинэчлэгдэн 2006-2020 оны хугацаанд нийт 24 нэмэлт өөрчлөлт орж байсан. 2020 оны 12 сарын 24-нд батлагдсан шинэчилсэн найруулга нь 2022 оны 01 дүгээр сарын 01-ний өдрөөс хэрэгжиж эхлэх юм.