Өнөөдөр Монголын ард түмэн түүхэндээ анх удаа Үндсэн хуультай болж, Монгол Улс Тусгаар тогтнолоо тунхагласны 97 жилийн баярт ой тохиож байна. Чингэлтэй дүүргийн нийт ард иргэд ТА бүхэндээ энэхүү түүхэн баярт өдрийн халуун мэндийг өргөн дэвшүүлье.
Тэртээ 1924 оны 11 дүгээр сарын 26-ны өдөр баталсан Анхдугаар Үндсэн хуулийн нэгдүгээр зүйлд “Бүх Монгол Улсыг үүнээс хойш Бүгд Найрамдах Бүрэн эрхтэй Ард Улс хэмээж, улсын дээд эрхийг жинхэнэ ардад эзлүүлэн улсын аливаа хэргийг Улсын Их Хурал ба мөн хурлаар сонгогдсон Засгийн газраас гүйцэтгэн шийтгүүлэх явдлыг нийтээр сүсэглэн дагавал зохино.” хэмээн дотоод ба гадаадад тунхаглан зарлаж, хуульчлан баталсан.
Өвөг дээдсийн минь халуун амиар олдсон тусгаар тогтнолоо, Монгол хүний эрх, эрх чөлөөг тунхагласан Анхдугаар Үндсэн хуулийн үнэ цэнээ бид үргэлж санаж, түүхэн энэ өдрийн ач холбогдлыг үр хойчдоо өвлүүлэн үлдээх учиртай.
ЧИНГЭЛТЭЙ ДҮҮРГИЙН ИРГЭДИЙН ТӨЛӨӨЛӨГЧДИЙН ХУРЛЫН ДАРГА
БҮЛТЭНХҮҮГИЙН МӨНХБАТ
