Чингэлтэй дүүргийн Иргэдийн Төлөөлөгчдийн Хурлын дарга болон Дэзэрэт олон улсын энэрлийн байгууллагатай хамтарсан уулзалтыг 2021 оны 12 дугаар сарын 09-ны өдөр зохион байгууллаа.
Уулзалтад дүүргийн Иргэдийн Төлөөлөгчдийн Хурлын дарга Б.Мөнхбат, Дэзэрэт олон улсын байгууллагын АНУ дахь Бүсийн зөвлөх Kenneth Scott Barrow, Бүсийн олон нийттэй харилцах албаны захирал Mochizuki Takanori, Ажлын албаны захирал Г.Түвшинжаргал болон холбогдох албан хаагчид оролцлоо.
Тус уулзалт Чингэлтэй дүүрэгт тулгамдаж буй асуудлуудтай танилцах, шийдвэрлэх арга хэмжээг авах, цаашдын хамтын ажиллагааг өргөжүүлэх зорилтын хүрээнд болж өндөрлөлөө.
Түүнчлэн Дэзэрэт олон улсын байгууллага нь 2021 оны 11 дүгээр сард дүүргийн 17 дугаар хороонд байрлах Ерөнхий боловсролын 140 дүгээр сургуулийн гал тогооны тоног төхөөрөмжийг бүрэн шийдэж, хүүхдийн төлөө хүмүүнлэгийн үйлсэд дэмжлэг үзүүлсэн билээ.
ХУРЛЫН АЖЛЫН АЛБА
