2022 оны 02 дугаар сарын 28-ны өдөр Нийслэлийн Чингэлтэй дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн ээлжит 2 дугаар  хуралдаан боллоо.

         Тус хуралдаанаар Чингэлтэй дүүргийн нутаг дэвсгэрт гэмт хэрэг, зөрчлөөс урьдчилан сэргийлэх, нийгмийн дэг журмыг бэхжүүлэх 4 бүлэг 35 ажил үйлчилгээ бүхий дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн төлөвлөгөө болон бусад асуудлуудыг хэлэлцэн баталлаа.

          Дүүргийн Гэмт хэргээс урьдчилан сэргийлэх ажлыг зохицуулах салбар зөвлөл нь 2022 онд дүүргийн нутаг дэвсгэрт гэмт хэрэг ихээр үйлдэгддэг эмзэг цэгүүдийг камержуулах, хүрээлэн буй орчныг хамгаалах, хүүхэд, гэр бүлийн эсрэг гэмт хэргээс урьдчилан сэргийлэх, цахим гэмт хэрэгтэй тэмцэх, хөршийн хяналтыг эрчимжүүлэх,  хууль хяналтын байгууллагуудын үйл ажиллагаа явуулахад шаардлагатай тоног төхөөрөмжөөр дэмжлэг үзүүлэх гэх мэт тодорхой төрлийн ажлуудыг санаачлан хэрэгжүүлэхээр төлөвлөж байна.

ХУРЛЫН АЖЛЫН АЛБА