Үхэр жилд Ховд аймгаас Улсын аварга тариаланч 3, Аймгийн аварга тариаланч 9 тодорсон. Үүний нэг бол Буянт сумын Норжинхайрхан багийн тариаланч Т.Ержан, А.Харгаул нар юм.
Тэд 1986-1995 оны хооронд тухайн үеийн “Алтайн бүсийн хүрээлэн”-д ногоочин, цэцэрлэгчээр ажиллаж, ажил амьдарлын гараагаа эхлүүлж байжээ.
Улмаар зах зээлийн нийгэмд шилжих үеэр 2,5 га-д хүнсний ногоо тариалж байсан бол одоо 10-аад га газарт 15 гаруй нэр төрлийн ногоо тариалж байна.
Аймгийн аварга тарианланч Т.Ержаных жилдээ 100-аас дээш тонн ургац хураан авч Улаанбаатар хот, зэргэлдээх аймаг сумдад борлуулсаар иржээ.
Мөн помидорын үрсэлгээ, шар манжин, луувангийн үр, сармисны үр, хар вандуйны үр, төмсний улаан сорт зэргийг өөрсдөө гаргаж аван тарьж байна.
Урин дулааны цагтай зэрэгцэн цаг хугацаатай ямагт уралдаж ажилладаг энэ гэр бүл эрүүл аюулгүй, экологийн цэвэр хүнсний ногоог ард иргэддээ нийлүүлэхийг зорин ажиллаж, үр хүүхдүүддээ ч бас өвлүүлэн явна.
Ийнхүү төр засаг, түмэн олондоо хөдөлмөр зүтгэлээ үнэлүүлэн 2021 оны аймгийн “АВАРГА ТАРИАЛАНЧ”-аар шалгарсан Т.Ержан, А.Харгаул нарын гэр бүлд баяр хүргэж, сайн сайхан бүхнийг хүсье.
