Швейцарын хөгжлийн агентлагийн Азийн хэлтсийн хөтөлбөрийн менежер Сузанн Амслер, ШХА-ын Монгол дахь төлөөлөгчийн газрын дэд дарга Бенуа Мейэр Биш, хөтөлбөрийн зохицуулагч Л.Золзаяа нарыг аймгийн ИТХ-ын дарга Б.Батжаргал хүлээн авч уулзлаа.
Тус айлчлалаар Монгол улсад хэрэгжиж байгаа “Төлөөллийн байгууллагыг бэхжүүлэх нь”, “Нутгийн өөрөө удирдах байгууллагын институцын чадавхыг бэхжүүлэх нь” төслийн хүрээнд Архангай аймагт хэрэгжиж байгаа төслийн үр дүнтэй танилцах юм. Төслийн хэрэгжилтийн явц, байдлын талаар аймгийн ИТХ-ын нарийн бичгийн дарга Б.Батцэцэг танилцууллаа.
Цаашид Нутгийн өөрөө удирдах ёсны байгууллагыг бэхжүүлэх үйл ажиллагааг өргөжүүлэх, хамтран ажиллах талаар харилцан санал солилцлоо.