Өнөөдөр /2022.05.07/ Чингэлтэй дүүргийн 30 жил, Олон Улсын Улаан загалмайн өдөр, Монголын Хүмүүнлэгийн  өдрийг Тусгаар тогтнолын талбайд тэмдэглэн өнгөрүүллээ. Өсвөрийн улаан загалмайн гишүүнээр нийт 600 сурагч, багачууд шинээр элсэн орж, тангарагаа өргөлөө.

          Мөн хүмүүнлэгийн үйлсэд бусдыгаа хошуучлан хамтран ажилласан байгууллага хамт олонд талархал, батламж, Тэргүүний ӨУЗ болон Залуучуудын улаан загалмай /ЗУЗ/ гишүүдийг шагнаж урамшуулав.

         Чингэлтэй дүүргийн Улаан загалмайн хорооноос зохион байгуулсан “Хүмүүнлэг зүрх”  өдөрлөгийн ёслолын үйл ажиллагаанд дүүргийн Иргэдийн Төлөөлөгчдийн Хурлын дарга, УЗХ-ны тэргүүн Б.Мөнхбат, Хурлын даргын зөвлөх, Төлөөлөгч Т.Идэрцагаан, Дэд бүтэц, төлөвлөлтийн асуудал хариуцсан орлогч дарга, Төлөөлөгч Д.Отгонбаатар, Ерөнхий боловсролын  5, 17, 23, 24, 39, 49, 50, 57, 61, 72, 117, 149 дүгээр сургууль, Бадмаараг, Олонлог, Шинэ-Иргэншил сургуулийн өсвөрийн улаан загалмай /ӨУЗ/-н гишүүд, сургуулийн нийгмийн ажилтнууд, эцэг эхийн төлөөлөл болон зочид төлөөлөгчид оролцлоо.