Өнөөдөр /2022.06.18/ Нийслэлийн Чингэлтэй дүүргийн 16 дугаар хорооны иргэдийн дунд “ЭРЧ ХҮЧ, ЭВ НЭГДЭЛ” уриан дор Чингэлтэй дүүрэг үүсэн байгуулагдсаны түүхт 30 жилийн ойн хүрээнд дүүргийн иргэдийн Төлөөлөгчдийн Хурлын дарга Б.Мөнхбат, ИТХ-ын Төлөөлөгч Т.Идэрцагаан, Д.Ядамжав нарын нэрэмжит ИРГЭДИЙН СПОРТЫН 9 ДҮГЭЭР ИХ НААДАМ тэмцээнийг 16 дугаар хорооноос зохион байгууллаа.
Иргэдийн спортын 9 дүгээр их наадмын нээлтийн үйл ажиллагаанд Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, ИТХ-ын Төлөөлөгч Т.Идэрцагаан, Д.Ядамжав, дүүргийн 16 дугаар хорооны Засаг дарга Н.Сэргэлэн нар хүрэлцэн ирж тэмцээнд хурд хүч, авхаалж самбаагаа сорин оролцож буй нийт баг тамирчиддаа амжилт хүслээ.
Тус спорт тэмцээнд ЕБ-ийн 139 дүгээр дунд сургуулийн авьяаслаг сурагчид чулууны хөгжмийн эгшиг аялгуу, бүжгийн тоглолтыг хүрэлцэн ирсэн зочид, тэмцээнд оролцогч баг тамирчид, иргэдийн төлөөлөлд үзүүллээ.
Мөн 16 дугаар хорооны Засаг дарга Н.Сэргэлэн, иргэдийн төлөөлөл тэрбум мод тарих үндэсний хөдөлгөөний хүрээнд "Сая модтой Чингэлтэй" аянд нэгдэн дүүргийн “Хайрхан хөгжлийн төв” УТҮГ-ын спорт цогцолбор орчим мод тарилаа.
ХУРЛЫН АЖЛЫН АЛБА
