Дархан-Уул аймгийн Иргэдийн Төлөөлөгчдийн Хурал, Нийгэм, цахим бодлогын хөгжлийн хороо, АШУҮИС-ийн Дархан-Уул аймаг дахь анагаах ухааны сургууль, МЭЗБНЭХ-ны Дархан дахь салбар Эм холбоо хамтран зохион байгуулж буй Эрсдэлгүй Дархан-III аяны нээлтийг бүх шатны боловсролын байгууллагуудын эмч мэргэжилтнүүдийг чадавхжуулах  “Хамтдаа хөгжье”  сургалтаар эхлүүлсэн.

Уг сургалтаар өнөөдөр /2023.01.25/ Нэгдсэн эмнэлэгийн Хүүхдийн тасгийн Их эмч н.Бүрэнжаргал “Томуу, томуу төст өвчний үеийн оношлогоо, эмчилгээ”, Энхфарм эмийн сангийн эрхлэгч, Эм зүйч Г.Мөнхцэцэг “Томуу, томуу төст өвчний үед үзүүлэх эмийн эмчилгээ”, АШУҮИС-ийн Дархан-Уул аймаг дахь салбар АУС-ийн Эмнэлгийн хөгжлийн албаны дарга, АУ-ны докторант Ж.Номин-Эрдэнэ “Халдварт өвчний урьдчилан сэргийлэлт: Цэвэр гар”, АШУҮИС-ийн Дархан-Уул аймаг дахь салбар АУС-ийн Нийгмийн эрүүл мэнд, Уламжлалт анагаах ухааны тэнхимийн ахлах багш, БС-ын докторант П.Саруул “Орчны эрүүл ахуй”, Хүүхдийн эрчимт эмчилгээний тасгийн их эмч О.Ням-Очир “Хоол боловсруулах замын эмгэгийн оношлогоо, эмчилгээ”, КРКА компанийн эмч, төлөөлөгч Б.Батчимэг “Хоол боловсруулах замын эмгэгийн эмийн эмчилгээ”, ХХААГ-ын хоол үйлдвэрлэл, үйлчилгээний хяналтын улсын байцаагч Р.Энхсаруул “Хүүхдийн хоол хүнсний хадгалалт, боловсруулалтад тавигдах шаардлага, стандарт” зэрэг сэдвээр сургалт хийлээ.

Мөн Хүүхдийн практикт хэрэглэх шинэ эм, бэлдмэлийн үзэсгэлэн танилцуулгыг хийлээ.