Тус Хуралдаанаар “Дархан Хайрханыг тайх тухай”, “Дархан-Уул аймгийн нутагт ашигт малтмалын хайгуулын талбайг сонгон шалгаруулалтаар олгох боломжтой газарт санал өгөх тухай, “Дархан-Уул аймагт 2023 онд ахуйн зориулалтаар агнах, барих агнуурын амьтны тоо хэмжээний дээд хязгаарыг тогтоох тухай”, “2023 онд аймгийн хэмжээнд цэргийн албыг биеэр дүйцүүлэн хаах иргэдийн тооны дээд хязгаарыг батлах тухай”, “Гадна зар сурталчилгааны байгууламж байрлуулахад дагаж мөрдөх журам, байршил, төлбөрийн хэмжээг шинэчлэн батлах тухай тогтоол хүчингүй болгох тухай, “Хөдөлгөөнт тоглоомын төв”-ийн үйл ажиллагааны үнэ тариф тогтоох тухай тогтоол хүчингүй болгох тухай, “Аймгийн ГХУСАЗСЗ-ийн Дэд зөвлөл шинэчлэн байгуулж, журам батлах тухай, “Зулзагын гол” хүүхдийн зуслангийн үнэ тариф тогтоох тухай, “Хуримын ордны үйлчилгээний хураамжийг шинэчлэн тогтоох тухай” зэрэг асуудлыг хэлэлцэж, асуудал тус бүрт холбогдох хороодын санал, дүгнэлттэй танилцах юм.
Дэгийн дагуу Хуралдааны дэд даргаар Төлөөлөгч А.Янжмаа., Бичиг баримт боловсруулах комиссоор Төлөөлөгч Б.Даваасамбуу, Б.Буяндүүрэн, Т.Тулгаа нар Төлөөлөгчдийн 100 хувийн саналаар сонгогдон ажиллаж байна.
