Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан “Монголд гарсан улс төрийн хэлмэгдүүлэлт түүхэн сургамж” сэдэвт хэлэлцүүлгийг зохион байгуулж, аймгийн ИТХ-ын дарга Б.Батжаргал нээж үг хэллээ. Тус хэлэлцүүлэгт Эрдэнэбулган сумын ЕБС-ийн сурагчид, хэлмэгдэгсдийн гэр бүл, төрөл төрөгсөд оролцов.
Аймгийн ИТХ-ын нарийн бичгийн дарга Б.Батцэцэг “Монголд гарсан улс төрийн хэлмэгдүүлэлт, түүхэн сургамж, ЦАУЗБК-ын үйл ажиллагааны талаар мэдээлэл хийж, ЭБ сумын 2 дугаар сургуулийн түүх, нийгмийн ухааны багш Ц.Баярхүү “Их хэлмэгдүүлэлт ба сургамж” сэдвээр илтгэл тавьж хэлэлцүүлэг зохион байгууллаа.
Мөн аймгийн Хэлмэгдэгсдийн холбооны тэргүүн Д.Оросоо, Г.Пэрэнлэй нар хойшид ийм хэлмэгдүүлэлт дахин гаргахгүй байх талаар хүүхэд залуучуудад сургамжийн үгээ хэллээ.
