Нийслэлийн Чингэлтэй дүүргийн иргэдийн Төлөөлөгчдийн Хурлын Зөвлөлийн 2023 оны ээлжит долоодугаар хуралдаан 100 хувийн ирцтэйгээр хуралдаж, төлөвлөгөөнд тусгагдсан асуудлуудыг хэлэлцлээ.
Хуралдаанаар улс, нийслэл, дүүрэг, орон нутгийн хөгжлийн сангийн хөрөнгөөр 2023 онд хэрэгжиж байгаа хөрөнгө оруулалт, төсөл арга хэмжээний явцын мэдээллийг дүүргийн Засаг даргын Тамгын газрын Санхүү, төрийн сангийн хэлтсийн дарга Б.Нацагдорж, Төлөвлөлт, гүйцэтгэлийн удирдлагын хэлтсийн дарга М.Навчаа, дүүргийн 2023 оны татварын орлогын төлөвлөгөөний биелэлтийн явцын талаар дүүргийн Татварын хэлтсийн дарга Н.Туул, Өвөлжилтийн бэлтгэл ажил, цаашид авах арга хэмжээний талаар дүүргийн Засаг даргын Тамгын газрын Тохижилт, нийтийн аж ахуйн хэлтсийн дарга Б.Саруул-Од нар тус тус танилцуулж, танилцуулсан асуудлуудын хүрээнд хариуцсан хурлын хороодыг хуралдуулахаар шийдвэрлэв.
ХУРЛЫН АЖЛЫН АЛБА
