Өнөөдөр /2023.12.05/ “Олон Улсын сайн дурынхны өдөр”-ийг тохиолдуулан Монголын Улаан Загалмай Нийгэмлэгийн гишүүн, сайн дурын идэвхтнээр элсэж, хүмүүнлэгийн үйлсийг сурталчлан дэлгэрүүлэх үйлсэд олон жил бодитой хувь нэмэр оруулсан иргэд, ажилчид, сайн дурын идэвхтэн, гишүүдийг дүүргийн иргэдийн Төлөөлөгчдийн Хурлын дээд шагнал “Чандмань” одон болон Монголын Улаан Загалмай Нийгэмлэгийн шагналаар шагнаж, урамшууллаа.

Шагналыг дүүргийн иргэдийн Төлөөлөгчдийн Хурлын дарга Б.Мөнхбат, Хурлын Нарийн бичгийн дарга бөгөөд Ажлын албаны дарга М.Туяа, дүүргийн Засаг даргын Тамгын газрын дарга П.Баянбаатар нар гардуулан өгч, хийсэн сайн үйлс бүхэн нь мянга, түм болон дэлгэрэхийг хүсэн ерөөлөө.

ХУРЛЫН АЖЛЫН АЛБА